كنت في مستشفى حمد
فيه ورق استبيان رأي
كتبت فيه ملحوظة عابرة
متذكرا تجربة مصر الرائدة في مجال استبيانات الرأي
حيث تكتفي الحكومة برأيها الرشيد
و تضرب بآراء الناس عرض الشارع :)
المهم
المستشفى كلمتني
ليست مرة واحدة بل اتنين
المرة الأولى لمعرفة سبب الملاحظة
و التانية مناقشة في رأي و رد المستشفى على الملاحظة
#هتشل
#مصر_قد_الدنيا
#منصور_رئيس_مراجيح_شارع_الشحات
من فترة تتجاوز عدة سنوات
و في زيارة لأحد أقطاب الصوفية في البلد
و كنا قاعدين لا بينا و لا علينا
و هما بيهروا و انا قاعد بقزقز لب قرع
و جات سيرة الصوفين
و طبعا لازم أتمد من لساني
و أقول إني مش بحب الصوفيين
و هنا بدأت معركة طاحنة
الراجل خد على عاتقه مهمة إقناعي بالصوفية
يقنعني إزاي ؟
يحكيلي أحدث الروايات الخزعبلية
الحكاية الأولى
مرة اتنين ماشين بعد العشاء
شيخ و مريده
و في طريقهم لقوا ترعة ( عارف الترعة طبعا )
الشيخ قفشت في دماغه لازم يضرب بلانص في الترعة
يا آبا الحاج إنت ما بتعرفش تعوم
لا لازم أنزل الترعة
يا عم إنت أصلا نظرك ضعيف و لابس نضارة كعب كوباية
لا لازم أنزل
و فعلا قلع هدومه و النضارة و ساب العوجاية
و العوجاية لمن لا يعرف هي عصا يتوكأ عليها
نزل الراجل الترعة و مقبش
الراجل اللي معاه ينادي ما ينادي
يا عم الشيخ
يا أبو محمد
و لا الهوا
يعمل إيه ؟
لف الهدوم و العوجاية و دفسهم في الزرع و خلع
روح بيتهم
لقى مراته بتقوله إنت فين ؟
دا الشيخ أبو محمد هنا من بدري
و نايم على سريرك
( عادي بقى ما هي ظاطت )
المهم
دخل الراجل لقى أبو محمد نايم و معلق العوجاية على السرير
و هدومه ناشفة
( قال آه )
و قاله إنت خايف إني أموت غريق
لا أنا هموت مسموم
يقوم إيه
مراته تبقى حطت سم للفيران في السمك
و تعلق السمك على الشجر في الجنينة
و الراجل الطفس يشوف السمك على الشجر يريل
يا عم الشيخ بلاش
و هو دماغه جزمة
هاتوا بس شقة ( الشقة هو العيش الفلاحي )
و ضرب السندوتش و قام مفيص من ساعتها
حاولوا يشيلوه من مكانه أبداً
قوم إيه يحفروا عشان يدفنوه مكانه
و بعد أما حفروا يا أخويا
لقوا مدفنه تحته
#من_خزعبلات_الصوفية
أنت تعلم الحيوانات الأليفة بالطبع
هناك من يقتني عصافيرا زاهية اللون
و هناك من يقتني حوضا للأسماك
هواية لطيفة و محببة
لكن
الأمر معي كان مختلفاً
كيف ؟
أول حيوان اقتنيته كان قنفذا
هذا صحيح
قنفذا
ثم اقتنيت ضفدعة صغيرة الحجم
و بعدها
سحلية لطيفة المنظر
ثم صقرا أسميته سعد
هذا مرحلة ما قبل الزواج
أما بعد الزواج فالأمر يختلف
بعد الزواج اقتنيت صقرا آخر
ثم قطا هائل الحجم جدا كان اسمه حنفي
بالنسبة للثعبان الصغير الذي كان عندي مرة
لن أقول أني اقتنيته
فهو لم يظل بحوزتي إلا يوم واحد بليلته
إحنا شعب زياط
لأ و بنحب كمان نزيط في الزيطة
مش مصدقني ؟
طب بص
في سنة 1943 و بعد تعرض فاروق لحادثة القصاصين
الناس زحفت على المستشفى اللي كان بيتعالج فيه
و قعدت حوالين المستشفى تحميه
و بعدين الناس طلعت تهلل لانقلاب 1952
و الناس هللت لنجيب
و لما عبد الناصر شال نجيب و قاله إقعد في حتة ناشفة
الناس هللت لعبد الناصر
و هنرمي إسرائيل و ما وراء إسرائيل في البحر الميت
عشان مكنش فيه بحر ينفع ساعتها
هوب و عبد الناصر خزوقهم في حرب 1967
الناس طلعت تقول له
أحا أحا لا تتنحى
و بعد أما السادات حارب
و راح لإسرائيل
الناس زيطت لقائد الحرب و السلام
و بعدها فشخ الاقتصاد
و سحل الناس في مظاهرات الطلبة
و الناس عيطت عليه
و جه مبارك
أول نطة جوية
و الناس زيطت أيما زيطة
خصوصا بعد حادثة أديس أبابا
و جت الثورة
زيطنا للثورة
جه المجلس العسكري و زيطنا للمجلس العسكري
و بعدين المجلس العسكري نفخنا
فجت الانتخابات
و الإسلاميين نجحوا
فالشعب هلل
أوم جت المحمكة الدستورية زرفت مجلس الشعب
و بردو الشعب هلل
و بعدين أبو الأمراس نجح
فالناس هللت لمرسي
أوم السيسي لسع مرسي
فالناس زيطت للسيسي
مش بقولك
إحنا أصلا شعب زياط
هو : يا أخي حال البلد واقف و كل يوم بيسوء عن الأول
أنا : يا راجل ؟ فين الكلام ده ؟
هو : يا عم لسه الببلاوي بيقول إنهاردة إن الحكومة مش قادرة توفر المواد البترولية و السلع التموينية
أنا : ليه يا عم ؟ هو مش جاله فلوس ؟
هو : آه بس الفلوس دي هتعمل إيه و إنتوا موقفين حال البلد ؟
أنا : ليه يا عم و إحنا عملنا إيه ؟
هو : كل يوم مظاهرات و قطع طرق
أنا : طب ما إنتوا كنتوا بتعملوا كده ؟
هو : يا عم الوضع مختلف. كده البلد هتشحت
أنا : على أساس اللي كنتوا بتعملوه كان بيجيب عملة صعبة ؟
هو : إحنا كنا بنمارس حقنا الدستوري
أنا : طب و إحنا ملناش في الدستوري ده ؟
هو : لأ ليكوا. بس البلد تمشي الأول ، دا محدش من الحكومة عارف يشتغل
أنا : طب ما إحنا كنا بنبوس إيدكم عشان تبطلوا مظاهرات شوية
و على سيرة الدستور، إيه التعديلات الموجودة ؟
هو : لجنة العشرة عدلوا 190 مادة
أنا : و مين إداهم الحق ؟
هو : ثورة 30 يونيو الشعبية
أنا : و إنت إخترت كام واحد فيهم يا بتاع 30 يونيو الشعبية ؟
هو : - - -
أنا : تقدر تقولي إيه المواد اللي اتعدلت ؟
هو : أصل - - -
أنا : لجنة الخمسين هتختار إنت منهم كام واحد ؟
هو : - - -
أنا : شفت مناقشة المواد ؟
هو : لأ أصل ال----
أنا : ها تحب البرسيم حقن و اللا كبسول ؟
من النكات المتداولة و بشدة
أسطورة الجيش المصري العظيم
و أنه آخر جيش متماسك في المنطقة
و أنه العقبة أمام الكيان الصهيوني
و الكثير من البلا بلا بلا بصراحة
دعني أذكرك بأشياء
الجيش المصري العظيم لم يطلق رصاصة واحدة تجاه إسرائيل منذ أربعين عاما
حتى الجندي البطل سليمان خاطر عندما قتل الإسرائيلين
حاكموه
الجيش المصري ينسق مع الكيان الصهيوني على أعلى المستويات
حتى أنه سمح لطائرة إسرائيلية بدون طيار أن تقصف بعض المشتبه بهم في سيناء
الجيش المصري تغيرت عقيدته القتالية منذ فترة لا بأس بها
هل تذكر مقولة السادات : حرب أكتوبر آخر الحروب بيننا و إسرائيل
هل معنى هذا أن إسرائيل لا تسعى لهدمه ؟
بلى طبعا.
هم مختلفون ..
هم لديهم هدف
دولة إسرائيل الكبرى
تذكر هذا جيدا
الموضوع أبدا ليس حدود و أراضي محتلة
الأمر عقيدة في الأساس
سيكتب التاريخ أن كذا
و سيتحدث أن فلان كذا
و سيذكر التاريخ أن ما يحدث كذا
إخواني من أبناء التيار الإسلامي و الثوري
التاريخ يكتبه المنتصر
المنتصر فقط
إذا كتب الله لنا النصر
فسنكتب أسماءهم بحروف من زفت
و إذا كانت الأخرى لا قدر الله
فثق أنهم سيكتبون تاريخاً يجعلنا الأسوء منذ عهد الأسرة الثالثة
فلا تنشغل بما سيكتبه التاريخ
كنت أنت من يكتب التاريخ
كنت أنت المنتصر
