ده مش مقصود ... بأمارة إيه ؟؟؟

موقف سخيف حدث في محطة الخازندارة. الأتوبيس المتجه إلى السادات .  السائق حتى الخامسة عصرا يرفض التحرك .
و لا تذهب بخيالك بعيدا فتقول أن المحطة كانت خاوية على عروشها . أبدا . الأتوبيس ميعاده أساسا الثانية ظهرا و ممتلء عن آخره . و الناس صايمين و.عايزين يسافروا عشان يلحقوا الفطار في البيت .
لكن السائق دماغه جايه شمال باين و إللا إيه ؟ مش عايز يطلع . أهوه رخامة كده
يقولوله : عايزين نلحق الفطار يا ريس في البيت.
يرد بقلة أدب : عن أم ما حد فطر .
و هذه هي الإجابة المثالية لمجموعة من الغضبى
و الصائمين مما دفعهم لرد فعل لطيف للغاية .
اتجمعوا عليه و ضربوه . فطلع و هو ساكت
طب ما كان من الأول يا ابني
و حتى تستمر الملهاة و لأن نصف أتوبيسات هيئة النقل من مخلفات الحرب العالمية الثانية فالطبيعي إن الكاوتش المزدوج يفرقع . فيقعد الأتوبيس يحجل و يعرج . ثم الرادياتير يضرب . فيقف الأتوبيس تماما
و هناك على الطريق الصحراوي بين القاهرة و السادات و في.منطقة السليمانية تحديدا يقف صهري الاثنان منتظرين الفرج . ليصلا بعد التاسعة
طيب لو إنت حطيت الموقف ده جنب غيره من المواقف المتشابهة و المتكررة . كل المواقف السخيفة دي بتحصل في أشياء خدمية مباشرة .
تعقيدات من الموظفين . يا راجل دا في الهايكستب  بيبقا الشباك المطلوب جنبه و يقولك سافر شبين .
و بعدين تقولي ده مش مقصود . بأمارة إيه ؟
Location : القاهرة - الأسكندرية الصحرائي, Beheira,
Posted via Samsung Galaxy Ace